|
Schdudrumer Kerweredd
Grüß Gott, Ihr Leit, ob ihr steht odder sitzt,
es is ach egal, ob Ihr friert odder schwitzt,
Ihr Schdudrummer un die gonze onnere Gäscht,
seid herzlich willkumme zu unserem Fescht!
Ich begrüß Eich all, egal wer des is,
denn eenes, des is ganz gewiß,
die Prominente, odder jeder der sich fer dess hält,
wern net äänzeln vorgestellt.
Zu Afang muss ich Eich gesteh,
dass ich net viel zu Sagen seh,
denn Ehr warn diesmol ziemlich brav,
un weil isch jo net liege darf,
bericht isch Eich vunn dem was war,
am bescht hern ehrs Eich halt ah.
So, jetzt heb ich hoch moi Glas,
un winsch Eisch ääfach mool viel Spaß.
***
|
